351 кiзi хазыхтанып алған
07.11.2021
Хабарлар
Пӱӱн Хакасияда "коронавирус" диагнозтығ 351 кiзi хазыхтанып алған. Халғанӌы суткада наа чуғынӌах ағырығны 230 кiзi хаптырып алған, ол санда: Ағбанда - 82, Саяногорскта - 41, Харатаста - 30, Алтай аймаанда - 14, Таштып аймаанда - 11, Ағбан пилтiрi паза Пии аймахтарында - онар, Шира, Орджоникидзе паза Асхыс аймахтарында - алтылар, Боград аймаанда - пис, Абазада - тöрт, Сорығда - ӱс паза Хызылчар крайының iкi чуртағӌызы.
Кискектеп, имнег туразынзар 82 кiзi айланған, 25 кiзi пневмонияа сыныхтанғанда, коронавирусты хаптырып алғаны сығысхан. Ибдегiлердең 95 кiзi чухтырған, тоғыста - 16, пландағы имнег ирткен тузында пiр кiзiнiң ағырчатханы таныхталған. Россияның пасха субъекттерiнең паза хырығ озаринаң ағырығны 9 кiзi ағылған. Чыл пасталғаннаң COVID-19 ағырығны 27843 кiзi хаптырған. Пӱӱнгi кӱнде ағырығнаң хада палғалысхан 4770 кiзi имӌiлер хайиинда. 6895 кiзi ибде имненче, имнег тураларында - 1660, ол санда 19 кiзi ИВЛ аппарады полызиинаң тынча. Чуғынӌах ағырығның тарапчатханының коэфициентi тöрт кӱнге - 1,0, читi кӱнге - 1,1.
Автор :
Оксана Челтыгмашева
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
