Вакцинация пункттары тоғынар
03.11.2021
Хабарлар
Хакасия правительствозындағы коронавирус чуғынӌах ағырығ тарапчатханынаң тоғыр кӱрезерiнӌе оперативнай штабтың теестегi чыылии ирткен.
Халғанӌы суткадағы танығлардаң, республикада коронавируснаң 231 кiзi ағырыбысханы iлезiне сығысхан. Хазыхтанып алғаннарның саны 553 кiзее тиңнелче. Пӱӱл тиксi Хакасияда наа чуғынӌах ағырығны хаптырғаннарның саны 26906 кiзi, имӌiлер хайиинда - 4864. Ибде наа чуғынӌах ағырығдаң имненчеткеннернiң саны 6981 кiзi. Стационарларда 1631 пациент, 25-зi - ИВЛ-да. Чыл пасталғаннаң коронавирус диагнозтығ 989 республика чуртағӌызы ӱреен, ирткен суткада - 10 кiзi.
Республикада коронавирус эпидемиязынаң сидiк кирек парчатханда паза чуртағӌылар коронавирустаң тоғыр вакцинация öткiн турғысчатханда, Хакасияның хазых хайраллаӌаң министерствозы чарадиинаң 4, 5, 6 ноябрьда прай прививка турғысчаң пункттар тоғынарлар. Iдöк пу кӱннерде стационарлар паза лабораториялар алызығлар чох тоғынарлар. Поликлиникаларда дежурнай терапевттер iстенерлер, iдöк табырах полызығ паза соона салдыртпас полызығ пирӌең бригадаларның тоғыстары тыыдылар.
Автор :
Наталья Тюкпеева
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
