ААЛДАҒЫЛАРҒА - НАА ЧУРТ
03.11.2021
Хабарлар
Хакасияда аал чуртағҷыларына «Аалларның тиксі тилізі» программача пӱдрілген тураларның клӱстері читірілче.
Тиксі республикаӌа социальнай наймӌа асхынах хадыллығ паза кӧп квартиралығ туралар пӱдірілче. Аалларда прай 74 наа тура пӱт парарға кирек: Пии паза Боград аймахтарында - 3-зер тура, Алтай аймаанда - 5, Ағбан пилтірі аймаанда - 7, Шира аймаанда - 12, Таштып аймаанда - 13 паза Орджоникидзе аймаанда - 17. Че иң кӧп тура Асхыс аймаанда тимге сығар. Анда 44 квартиралығ кӧп хадыллығ паза пір-ікі квартиралығ 13 тура пӱдірчелер.
- Тураларзар чарытхы тартыл парған, суғ паза канализация трубалары салыл парғаннар. Оларзар кӧзерге чарир. Андағ туралар Алтай аймаанда тузаланысха кирілчелер. Таштып паза Орджоникидзе аймахтарында туралар тимге сых парир. Чыл тоозылғанҷа 124 кізі наа чуртха кӧзер, - таныхтаан Хакасияның аал хонии паза ас-тамах министрі Сергей Труфанов.
2021 чылда пу кӧстеге федеральнай, республика, орындағы бюджеттердең паза бюджеттең нимес 280 миллион салковай кӧріл парған.
Автор :
Оксана ЧЕЛТЫГМАШЕВА
| Пн | Вт | Ср | Чт | Пт | Сб | Вс |
| 24 | 25 | 26 | 27 | 28 | 1 | 2 |
| 3 | 4 | 5 | 6 | 7 | 8 | 9 |
| 10 | 11 | 12 | 13 | 14 | 15 | 16 |
| 17 | 18 | 19 | 20 | 21 | 22 | 23 |
| 24 | 25 | 26 | 27 | 28 | 29 | 30 |
| 31 | 1 | 2 | 3 | 4 | 5 | 6 |
Кӱн таңмазы
Хакасияда
Россияда
Тилекейде
