Турыстығ паза хорғыс чох иртірерге
10.04.2024
Хабарлар
Чыылығ тузында
Чиңіс кӱніне тимненіс. Хакасия пазы Валентин Коновалов Илбек Ада чаадағы Чиңістің 79-ҷы чылын пайрамнирына тимненҷең комитеттің теестегі чыылиин иртірген
Регион устағҷызы турғысхан ӧӧн пӧгін – прай мероприятиелерні турыстығ, пӧзік синде ле иртірерге, ідӧк ӱлӱкӱннің прай араласчыларына паза аалҷыларына хорғыс чох оңдайлар тӧстирге.
– Мероприятиелерге ӧнетін чаа операциязының араласчыларын тартарға, оларның сӧбірелеріне, паарсас читіріп, хайығ саларға кирек, – таныхтаан Валентин Коновалов. – Ӧӧні – Илбек Ада чаа паза СВО ветераннарына, оларның туған-чағыннарына прай кирек полызығны пирері, паза ол хабазығ ӱзілбин пирілерге кирек, ӱлӱкӱнде ле нимес.
Пӱӱл кибірли 8 майда Ағбанның Чиңіс паркындағы Успас от хыринда Хумартхылас ритуалы, 9 майда Пастағы май ачығында митинг паза пайрамнығ марш иртер тіп кӧрілче.
Пастағы май ачығында 15 парад расчеды стройнаң парар, ол санда аттығ паза кинолог расчеттары. Ідӧк маршта Илбек Ада чаа тузындағы техника паза фронттарның штандарттары хаптырылған квадроцикллер аралазар. Чаа техниказының кӧзідии иртер.
Март тоозылчатханда, чааҷы частьында пастағы репетиция ирткен. Пазағы тренировкалар Пастағы май ачығында полған на четвергте ирт турар. Ӧӧн репетиция 3 майда иртер тіп кӧріл парған.
Полған на муниципалитетте ӱлӱкӱн алнында паза 9 майда аймах-пасха патриотизм акциялары, культура паза спорт мероприятиелері, концерт программалары иртірілер.
Чиңіс кӱні алнында, 24 – 26 апрельде, городтарҷа паза аймахтарның кіннерінҷе «Хакасия – фронтха» адалчатхан улуғ автопробег иртер, аны хоостыра араласчылар 1100 километр ойладарлар.
«Ӧлімі чох полк» чӧрім пӱӱл иртер алай чох, сағам чарадығ чоғыл. Аны федеральнай кін алча.
Хакасия пазы муниципальнай пӱдістері пастарының хайиин 9 майға пос чирлеріндегі хумартхы тастарны, мемориал комплекстерін паза чааҷылар сыыраттарын иптеп саларға киректелчеткеніне тартхан. Ідӧк пайрамнығ мероприятиелер иртер орыннарда чолларны тыхтап, оймах-осхылларны чох идерге пӧгін турғысхан.
Республиканың істеніс паза социальнай арачыланыс министерствозының халғанҷы саннарынаң, Хакасияда чуртапча: Илбек Ада чаа араласчылары паза оларға тиңнелгеннер – 22 кізі, хурчағдағы Ленинградтың чуртағҷызы – 11 кізі, фашизм концлагерьлерінде полғаннар – 16 кізі, 13,5 муңҷа чаа палазы, 600-че тыл істенҷізі.
Сом r-19.ru сайттаң
Автор :
Хакасия пазының паза Хакасия правительствозының пресс-службазы
| Пн | Вт | Ср | Чт | Пт | Сб | Вс |
| 1 | 2 | 3 | 4 | 5 | 6 | 7 |
| 8 | 9 | 10 | 11 | 12 | 13 | 14 |
| 15 | 16 | 17 | 18 | 19 | 20 | 21 |
| 22 | 23 | 24 | 25 | 26 | 27 | 28 |
| 29 | 30 | 1 | 2 | 3 | 4 | 5 |
Кӱн таңмазы
Хакасияда
Россияда
Тилекейде
